जिल्ह्याची ओळख
जालना जिल्हा स्‍वतंत्र भारताच्‍या महाराष्ट्र राज्‍याच्‍या मध्‍यभागी आहे. तसेच मराठवाडयाच्‍या उत्‍तर दीशेस स्‍थीत आहे.
जालना जिल्हा हा पुर्वी निझाम राज्‍याचा भाग होता. मराठवाडा मुक्‍ती संग्रामानंतर छ. संभाजीनगर (तत्कालीन औरंगाबाद) जिल्‍हयामधील जालना एक तालुका झाला.
जालना हा छ. संभाजीनगर (तत्कालीन औरंगाबाद)चा पुर्वेकडील तालुका 1 मे 1981 रोजी जिल्हा म्‍हणून स्‍थापीत झाला, व छ. संभाजीनगर (तत्कालीन औरंगाबाद) जिल्‍हयातील जालना, भोकरदन, जाफ्राबाद, अंबड तालुका व परभणी जिल्‍हयातील परतूर असे पाच तालुके जिल्‍हयामध्‍ये समावेश करण्‍यात आले. जालना जिल्‍हयाच्‍या पुर्वेस परभणी व बुलढाणा जिल्हा स्थित आहे, छ. संभाजीनगर पश्‍चीम दीशेला आहे, तसेच जळगाव उत्‍तरेकडे असून दक्षीणेस बीड जिल्हा आहे.
जालना जिल्हा 7687.39 चौ.कि.मी. क्षेत्राने व्‍यापलेला आहे, जे राज्‍याच्‍या एकूण क्षेत्राच्‍या तुलनेत 2.50 % एवढा आहे. जालना जिल्‍हयाचे मुख्‍यालय जालना असून राज्‍याच्‍या व देशाच्‍या राजधाणींशी ब्रॉडगेज रेल्वे लाईनने जोडलेले आहे. तसेच राज्‍यातील मुख्‍य शहरे देखील राज्‍य महामार्गाने जोडलेले आहेत. जिल्हा हा हायब्रीड सीडस् साठी प्रसिध्‍द असून स्‍टील रिरोलींग मिल, बिडी उद्योग, शेतीवर आधारीत उद्योगधंदे उदा. दाल मील, बि.बीयाने इ. तसेच मोसंबीसाठी देखील राज्‍यामध्‍ये जालना जिल्हा प्रसिध्‍द आहे.
